ARDI proiektuaren jarraipen bilera Hendaian

Joan den apirilaren 12an, ARDI proiektuko bazkideak elkartu ziren Hendaian, proiektuaren kudeaketa administratiboa eta finantzarioa ebaluatzeko, eta ARDI barruan egiten ari diren ekintza teknikoetako bakoitzaren aurrerapenaren egoeraz hitz egiteko.

Kudeaketa administratiboari dagokionez, Kaizenek eta Neikerrek esan zutenez, proiektuak lehen urte honetan izan duen exekuzio ekonomikoa egokia izan da, eta 2017-2018 ekitaldian egindako gastuak zuzen justifikatu dira. Jarduera teknikoei dagokienez, berriz, Neikerrek eta ARDIEKINek lortutako aurrerapenak ezagutarazi zituzten, Latxa eta Manex arrazetako hautapen eskemen arteko konexioa indartzeari buruz, eta, aipatu zutenez, akoplamenduen programa berri baten diseinatzen ari dira, intseminazio artifizialaren hurrengo kanpainan Manex Muturgorriaren 500 dosi eta Manex Muturbeltzaren 500 dosi gehitzeko, Nafarroako Latxa Muturgorriaren eta Latxa Muturbeltzaren artaldeetan, hurrenez hurren.Halaber, Neikerrek aurrera egin du test-day ereduaren inplementazioan, esnearen kalitatea eta ekoizpena genetikoki ebaluatzeko, eta, adierazi dutenez, balio genetikoaren kalkuluen fidagarritasuna hobetu egiten da metodologia horri jarraituz gero.Halaber, Neikerren Latxa populazioaren benetako zentsuari eta odolkidetasunari buruz lan egin da, informazio molekularra erabiliz.Horrez gain, INRA ekuazioak garatzen ari dira Manex ardien laktazioa kalkulatzeko,  Latxa ardiarekin egiten den bezala, antzeko ebaluazio genetikoa egiteko eta lortutako emaitzak konparatzeko helburuarekin.Azkenik, IDELEk artaldearen parametro produktibo berriak definitu eta karakterizatu ditu, longebitate funtzionalaren adierazleak zehazteko, hala nola mastitisaren intzidentzia,  errapearen morfologia eta parasitoekiko erresistentzia.